Vedtekne av Volda kommunestyre i møte 30.12.91, i sak 183/91. Ajourført pr. 10.09.96 som følgje av vedtekne endringar i nemndstrukturen.

Ajourført pr. 02.01.2006

1. Namnet på prisen er "Kulturprisen for Volda".
    
2. Føremålet med prisen er å hjelpe fram kulturarbeidet i Volda kommune.
    
3. Administrasjon og utdeling av prisen er lagt til driftsstyret.
    
4. Storleiken på prisen vert fastsett av kommunestyret etter tilråding frå driftsstyret, for periodar som tilsvarar valperiodane.
    
5. Kulturprisen kan gjevast til einskildpersonar, grupper av personar eller til lag og organisasjonar som høyrer heime i kommunen, og som har vist evne og vilje til å yte aktiv kulturinnsats ut over det vanlege.

Kulturprisen kan også delast ut til kandidatar som ikkje er busett i kommunen, dersom kulturarbeidet til vedkomande har kome, eller kjem, denne kommunen til gode.

Kulturprisen kan ikkje delast ut post mortem.

 

6. Driftsstyret syter for å gjere prisen kjend og set fristen for innsending av framlegg til kandidatar. Med 3 -tre- vekers varsel skal fristen kunngjerast gjennom pressa
.

Framlegg på kandidatar til kulturprisen kan framjast av einskildpersonar, lag og organisasjonar, og skal vere skriftlege, og helst med grunngjeving for framlegget. Driftsstyret kan vurdere andre kandidatar enn det som er kome framlegg om.
 

7. Innsende framlegg som ikkje når opp i vurderinga, vert handsama slik:

Framlegget vert lagt fram for driftsstyret, maksimalt 5 -fem- påfylgjande år, evnt. med tilsvarande justering, dersom det vert fremja på nytt.

Dette gjeld ikkje for kandidatar som er avdøde.
 

8. Driftsstyret gjer vedtak om prisen skal utdelast, kven som skal få prisen, og i tilfelle deling, kor stor del kvar skal få. Den/dei som får prisen, vert også tildelt diplom.

Det skal ikkje knytast særlege vilkår for korleis mottakaren nyttar prisen. Vedtak vert gjort slik at den som vert tildelt prisen har fleirtal av røystene, evntuelt ved omval mellom dei som har fått fleire røyster. Ved likt røystetal vert prisen ikkje utdelt.
 

9. Det skal ikkje offentleggjerast kven som er kandidatar eller kva utfall avrøystinga mellom kandidatane fekk.
    
10. Driftsstyret skal grunngje vedtaket om utdeling av kulturprisen.