Nytt frå Volda kommune

Publisert av: Arne Eliassen
Dato:            16.11.04

 RAPPORTEN OM KOSTNADSANALYSE OG KOSTNADSTILPASSING ER LAGT FRAM FOR FORMANNSKAPET

Rapporten "Kostnadsanalyse og kostnadstilpassing i Volda kommune" vart i går presentert for formannskapet.

Konsulentfirmaet Asplan Analyse har, i nært samarbeid med administrasjonen i kommunen,  utarbeidd rapporten, som har eit innsparingspotensiale på 26 millionar kroner i driftsbudsjettet med tanke på delvis verknad for budsjettåret 2005 og full verknad frå budsjettåret 2006.

Sjølve innsparingane i driftsbudsjettet utgjer 16 millionar kroner fordelt på dei ulike tenesteområda. I tillegg ønskjer kommunestyret å setje av midlar til eit bufferfond på 7 millionar kroner og ytterlegare 3,2 millionar kroner for å sikre politisk handlefridom i handsaminga av framlegga.

Det seier seg sjølv at mange dei nedskjeringane som er lagt inn i rapporten vil får konsekvensar både for servicenivået og tenestetilbodet i kommunen.  Det er likevel verdt å merke seg at nedskjeringane ikkje er vedtekne slik dei ligg føre i rapportdokumenta. Rapporten peikar berre på kvar det er mogleg å kutte og konsekvensen av dette. Sjølve gjennomføringa vert opp til politikarane i samband med handsaminga av budsjetta for 2005 og 2006.

I tillegg til budsjettkutta, har Asplan Analyse lagt fram eit notat om innføring eigedomsskatt og eit framlegg til nytt budsjettreglement.

Rapporten omfattar desse fire dokumenta:

• Notat til ordførar og adm. sjef frå Asplan Analyse (Word-format)
• Framlegga frå arbeidsgruppene (Excel-format))
• Notat om eigedomsskatt (Word-format)
• Framlegg til nytt budsjettreglement for Volda kommune (Word-format)