Publisert av: Heidi Istad
Dato:             3. februar 2006

REVISJON AV KOMMUNEDELPLAN FOR VOLDA SENTRUM - OPPSTART AV PLANARBEID OG UTLEGGING AV FRAMLEGG TIL PLANPROGRAM

I medhald av plan- og bygningslova § 20-5 og § 27-1 nr 1 andre ledd vert det gjort kjent at det er igangsett arbeid med revisjon av kommunedelplan for Volda sentrum og kommunedelplan for Mork, som ein del av kommuneplanen sin arealdel.

Følgjande område skal inngå i planen:

• Noverande planområde for Volda sentrum
• Noverande planområde for Mork
• Vikebygda til Ørsta grense

Det er utarbeidd planprogram for planarbeidet. Planprogrammet avklarer rammer og premiss for planarbeidet, definerer føremålet med planarbeidet og skildrar kva for utbyggingsstrategiar og alternativ som vil bli vurdert. I planprogrammet vert det også skildra kva for utgreiingar vi meiner er nødvendig i samband med planarbeidet.

Planprogrammet vert sendt ut til høyring og lagt ut til offentleg ettersyn jfr plan- og bygningslova § 33-2, på Servicekontoret, Biblioteket og på Volda kommune sine www.volda.kommune.no.  (Planprogrammet finn du her i pdf-format)

Under høyringsperioden vert det eit ope møte med orientering om planprogrammet og høve til innspel og diskusjon, dette vert annonsert seinare.

Merknader til planprogrammet eller innspel i samband med oppstart av planarbeidet skal sendast til Volda kommune, Nærings- og utviklingsstaben, Stormyra 2, 6100 Volda, eller ved e-post til  postmottak@volda.kommune.no

Merknadsfrist: 18.mars 2006.