Fysioterapi
Fysioterapeutar arbeider med menneske som treng behandling, opptrening og rehabilitering på grunn av skader, sjukdom og funksjonshemming, samt med førebyggjande og helsefremjande arbeid. I fysioterapi er kunnskap om kropp og bevegelse hos friske og sjuke menneske sentralt. Målet med fysioterapi er å betre funksjon og livskvalitet hjå den einskilde. Fysioterapeuten nyttar ulike undersøkingsmetodar og testar i sitt arbeid, blant anna testing av rørsle, styrke, uthald, balanse og motorikk. Fysioterapeutar jobbar både med enkeltpersonar og grupper og ofte i team med andre faggrupper. Motivasjons- og meistringsarbeid med tanke på ein helsefremjande og sjukdomsførebyggjande livsstil har ein sentral plass.
Fysioterapeutar i Volda
I Volda har vi fysioterapeutar med ulik tilknytingsform til Volda kommune. Vi har også fysioterapeutar som står heilt utanfor kommunen si fysioterapiteneste. Du finn meir informasjon om dei ulike ordningane lenger nede på sida.
Volda kommune si fysioterapiteneste:
Kommunalt tilsette
fysioterapeutar:
Adresse: Barstadmarka 2, 6100 Volda (Helse- og rehabiliteringseininga på Volda
omsorgssenter)
Sjeffysioterapeut:
Runa Bakke
Tlf.: 70054058 / 91621147
e-post:
runa.bakke@volda.kommune.no
Kommunefysioterapeutar:
Randi
Heltne Alfsvåg Tlf.: 70054059 / 91623905
e-post:
randi.heltne.alfsvag@volda.kommune.no
80 % stilling (20 % på Hamna dagsenter - tirsdagar). Fri kvar onsdag.
Fysioterapeutar
med driftsavtale:
Tronds Fysikalske institutt,
Hamnegt.20, 6100 Volda Tlf.: 70078323
Trond Svendsen
Fysioterapisenteret,
Hamnegt. 14, 6100 Volda Tlf.: 70076378
Leidulv Langvatn
Aarflot Fysioterapi AS,
Industrigt. 12, 6100 Volda Tlf.: 70076320
Magne Aarflot
Karen M. Aarflot
Arne Heggen
Kva skal ein betale ved behandling hos fysioterapeut?
Fysioterapeut med driftsavtale og kommunalt tilsette fysioterapeutar:
Ein betaler eigendel bestemt av ”Taksplakaten”. Kva type behandling ein får,
bestemmer kva eigendel ein skal betale. Eigendelane kan difor variere. Barn
under 12 år, pasientar med bestemte diagnosar (t.d. ved kroniske sjukdomar og i
6 mnd. etter brudd/operasjonar) og pasientar med godkjent yrkesskade har rett
til fri behandling. Etter oppnådd eigendelstak 2 (sjå under), har alle
rett til fri behandling.
Fysioterapeutar utan driftsavtale:
Desse bestemmer sjølve kva pasientane skal betale og rettane til fri behandling
gjeld ikkje hos desse. Eigenbetalinga kan ikkje reknast med under eigendelstak
2.
Desse fysioterapeutane driv privatpraksis utan driftsavtale og står utanfor kommunen si fysioterapiteneste:
Volda
fysioterapiklinikk
Morten Gjerseth tlf.: 95199290
Volda
fysioterapi
Linda Haugen Tomasgard
tlf.: 41207251
Dei privatpraktiserande fysioterapeutane driv mest med diagnostisering og behandling. Dei kommunale fysioterapeutane har i tillegg eit spesielt ansvar for barn, sjukeheimsdelen på omsorgssenteret, førebyggjande arbeid og behandling som krev stor grad av tverrfagleg samarbeid. Det er likevel flytande overgangar mellom privatpraktiserande og kommunalt tilsette fysioterapeutar sine arbeidsoppgåver.
Eigendelstak 1 og 2
Det finst 2 typar
eigendelstak som kan gjelde i samband med behandling hos fysioterapeut. Dette
gjeld berre hos fysioterapeutar med driftsavtale og kommunalt tilsette
fysioterapeutar. Meir informasjon finn ein på
www.nav.no.
Fysioterapeutane kan også gi nærmare informasjon om ordningane.
Eigendelstak 1:
Eigendelar for reise
i samband med undersøking og behandling skal førast på eigendelskortet.
Eigendelstak 2:
Eigendelar
ein betaler hos fysioterapeutar kjem inn under eigendelstak 2 som i 2007 er kr.
2.500,-. Når ein har betalt eigendelar opp til beløpsgrensa, kan ein søkje NAV
trygd om frikort. Hugs difor å ta vare på kvitteringane!
(Eigendelstak 2 omfattar også enkelte former for tannlegehjelp, opphald ved offentleg godkjend opptreningsinstitusjon og behandlingsreiser til utlandet i regi av Rikshospitalet.)