Rettferdig handel - Fairtrade

Isaias Martines, UCIRI, ein fattig, men stolt kaffebonde frå Mexico, seier: ”Vi trenger ikke veldedighet, vi er ikke tiggere. Hvis vi får en anstendig pris for kaffen vår kan vi klare oss uten veldedighet”

Kvifor Fairtrade?
Millioner av landlause arbeiderar og småbønder får ikkje det alle har krav på: nok til å brødfø familiane sine, sende borna sine på skule, og litt ekstra for å kunne investere i bærekraftig utvikling. Fordelane ved internasjonal handel er dessverre ikkje like tydelige for alle menneske i verda. Småbønder har liten tilgang på marked og prisinformasjon, og blir difor i aukande grad avhengige av mellommenn. I nedgangstider mister mange si eiga jord, og dermed levebrødet sitt. I tillegg er det mange plantasjearbeiderar som ikkje får nyte godt av auka handel på verdsmarknaden. Mange lever med låge lønningar, utrygge arbeidsforhold og dårlege levekår. Ofte har dei ikkje rett til å organisere seg for å forsvare sine rettigheiter , eller høve til å delta i avgjersler som gjeld deira eigne liv på plantasjen.

Stiftinga Fairtrade Max Havelaar Norge
Stiftinga Fairtrade Max Havelaar Norge kjøper og sel ikkje produkt, men sertifiserer varene med det internasjonale Fairtrademerket. Dette er garantien for at varene er produsert og omsett i tråd med internasjonale standardar for Fairtrade. Stiftinga er ein non-profit organisasjon. Strenge kontrollmekanismer sikrar Fairtrade-standarden og kontrollerer verdikjeden - heilt fram til handlekorga vår.

Volda Kommune:
Volda kommune er utpeika av KS og Fredskorpset til å vere ei Internasjonal kommune. Også andre tilhøve låg til rette, slik at det i juni 2007 vart skipa ei styringsgruppe, som skulle jobbe for å gjere Volda til ei Fairtradekommune. Gruppa består av ulike frivillige og politiske lag og organisasjonar, og jobbar for å få på plass alle krav frå Fairtrade Norge.

Representantar frå Krf og SV tok initiativ overfor kommunale organ, og i eit samrøystes vedtak kommunestyret den 18.10.07 vart dt slått fast at Volda kommune ville bli aktiv deltakar i arbeidet for Fairtrade. Volda kommune tek i bruk Fairtradekaffi og -te på møter, og vil oppmode dei tilsette om å ta produkta i bruk i sine private kaffiordningar. Vedtaket var den siste delen som mangla, og styringsgruppa sendte søknad om fairtradesertifisering kort tid etter.

Tekst: Stefan König, for styringsgruppa