Administrasjon

Kommune- og reguleringsplanar

    Sist oppdatert 11.05.07

    Administrasjonssjef Jarle B.  Krumsvik
    Telefon: 70058703

      Administrasjonssjefen er den øvste administrative leiaren i kommunen. Han er ansvarleg for at verksemda vert
      driven innanfor dei rammene som kommunestyret vedtek. Han har møte- og talerett i dei politiske utvala, unnateke
      kontrollutvalet, og skal syte for at alle saker som vert lagt fram til politisk handsaming er forsvarleg utgreidde og
      at vedtak vert sett i verk.
      

    Organisasjonskart    (pdf-fil)

                 
      Administrative avdelingar og stabar:
B Avd. for kart, oppmåling og byggesak  Løns- og personalstaben 
  Barnehageavdelinga  Pedagogisk psykologisk tjeneste 
  Barnevernavdelinga  Pleie- og omsorgsavdelinga 
  Brannavdelinga  Samordnings- og utviklingsstaben 
  Eigedomsavdelinga Servicekontoret 
Hamna dagsenter  Skuleavdelinga 
  Helseavdelinga  Sosialavdelinga 
  Kommunalteknisk avdeling  Vaksenopplæringssenteret 
  Kultur- og næringsavdelinga  Økonomistaben 
  Landbruksavdelinga 
 

Avdeling/stab Underavdelinger

Avdeling for kart, oppmåling og byggesak (KOB)

Avdelingsleiar Rune Wetterhus
Telefon: 70058762

Avdelinga har ansvar for:
- Forvaltning, drift og sal av kart.
- Forvaltning og drift av fastmerkenettet.
- Kart- og delingsforretningar. Utferding av målebrev, registerbrev    m.m.
- Handsaming av søknader om løyve til seksjonering etter lov om eigarseksjonar.
- Handsaming av søknader om løyve til byggetiltak m.m. etter plan- og bygningslova.
- Handsaming av søknader om løyve til frådeling og bortfeste av grunn.
- Tildeling av adresser.
- Ajourføring av register over grunneigedomar, adresser og bygningar (GAB) og eigedomskart (DEK)

Avdeling for kart, oppmåling og byggesak har ansvar for å oppfylle kommunen si rettleiingsplikt innanfor avdelinga sitt forvaltningsområde, tilrettelegge og distribuere informasjon frå kommunen sitt eigedomsarkiv og gjennomføre førehandskonferanser i tiltakssaker.
Avdelinga førebur saker for politisk handsaming i Eigedoms- og forvaltningsstyret (EFS) som er forvaltningsmynde etter plan- og bygningslova.
Avdelinga har i stor grad delegert avgjerdsmynde på vegne av EFS kurante bygge- og tiltakssaker.

 

Barnehageavdelinga (BHG)

Barnehagesjef Reidun Klepp Nilsen
Telefon: 70058873

Barnehageavdelinga held til i 3. høgda i den gamle delen av rådhuset. Avdelinga deler kontorareal med skuleavdelinga og dei har eit tett samarbeid.
Barnehagesjefen administrerer 15 barnehagar: 6 kommunale, 7 private foreldreeigde, 1 statleg og 1 studentbarnehage.
Storleiken på barnehagane varierer frå ei avdeling til fire avdelingar.
Til saman har barnehagane om lag 500 born og 148 tilsette.

 

Barnevernavdelinga (BVA)

Barnevernleiar Kjellfrid Hovdenakk
Telefon: 70058800

Barneverntenesta i Volda arbeider etter lov om barneverntenester og har desse hovudformåla:

  • Sikre at born og unge, som lever under forhold som kan skade helse og utvikling, får naudsynt hjelp og omsorg til rett tid.
  • Bidra til at born og unge får trygge oppvekstvilkår.

Barneverntenesta har ekspedisjonstid kvar dag frå klokka 0900 til klokka 1530. Du kan ringe for råd eller veiledning, eller avtale tid på kontoret eller heime. Barneverntenesta kan bidra med

  • råd og rettleiing
  • leksehjelp
  • plass i barnehage
  • støttekontakt
  • besøks-/avlasningsheim
  • tilbod om fritidsaktivitetar
  • økonomiske hjelpetiltak osb.

Om ein får sett i verk tiltak tidleg, er det større sjansar for å finne gode løysingar for den som treng hjelp.

Viktige telefonnr.:
Barnevernet etter kontortid:......................................  90 67 45 49

 

Brannavdelinga (BRA)

Brannsjef Svein Arnesen
Telefon: 70058707

Volda brannvern er oppbygd og har mynde og ansvar etter "lov av 14.juni 2002 om vern mot brann, eksplosjoner og ulykker med farlig stoff og om brannvesenets redningsoppgaver".
Brannvernet er delt i to avdelingar; førebyggjande avdeling og beredskapsavdeling.
Forebyggjande avdeling, som og omfatter feiartenestene, er leia av brannsjefen.
Beredskapsavdelinga er leia av brannmeister og omfatter 5 brann- stasjonar med 55 brannmenn.
Brannvernet har kontor på rådhuset.

Andre aktuelle telefonnummer er :

Brannvarsling 110
Brannvernet - vakthavande befal 911 52 110
Brannsjef - kontor 700 58 707
Brannsjef - mobiltelefon 971 40 285
Brannmeister – kontor 700 58 780
Brannmeister – mobil 971 49 658
Branningeniør – kontor 700 58 785
Branningeniør - mobil 971 91 072
Feiar – mobil 488 98 355
Feiar – kontor 700 58 785
 

 

      PDF-filar:

 
Eigedomsavdelinga (EIG)

Leiar for eigedomsavdelinga: Knut Innselset
Telefon: 70058770

Eigedomsavdelinga har ansvar for forvaltning, vedlikehald, reinhald og drift av alle kommunale bygg
Kommunen har ei samla byggmasse på ca. 70.000 m². Avdelinga disponerer alle vedlikehaldsmidlane på bygg i kommunen. Til dette har avdelinga ein leiar som rår over 13 vaktmeistrar som har fast tilknyting til dei store bygga, men som og kan brukast andre plassar. Avdelinga har og 2 vedlikehaldsarbeidarar som mest blir brukte på utleigehusa. Utanom verna bustadar og omsorgsbustadar har kommunen 80 leilegheiter til utleige, hyblar medrekna. Avdelinga har og ansvar for organisering og utleige av desse.

 

  
Hamna dagsenter (HDS)
"Arbeid og samspel"

Leiar for Hamna dagsenter: Norunn Hagen
Telefon: 70 07 84 45


Hamna dagsenter, skipa som eit interkommunalt tiltak i 1991, er eit dagtilbod til vaksne utviklingshemma heimehøyrande i Ørsta og Volda.

Vi tilbyr arbeid, opplæring og habilitering i eit aktivt tilvære i samvær med andre. Tilbodet er tilpassa den einskilde brukar og det vert lagt stor vekt på samspel. Å utvikle evne til deltaking, individuell meistring og god fysisk funksjonsevne står sentralt i arbeidet vårt.

Hamna dagsenter tek også i mot arbeidsoppdrag frå næringslivet , for det meste pakke- og monteringsoppdrag. Vi har i tillegg noko eigenproduksjon av handverksprodukt, til dømes stearinlys, golvteppe og silkemalingsprodukt.

Vil du ha meir informasjon om oss? Du finn oss på Hamna 20 - 2. høgda.

 

  
Helseavdelinga (HEL)

Helsesjef/kommuneoverlege: Arne Gotteberg
Telefon: 70058828

Arbeidsoppgåvene er:

· Førebyggjande og helsefremjande arbeid
Miljøretta helsevern (tidlegare kalla helserådstenester)
Smittevernarbeid
Vaksinasjonsarbeid/reisemedisin
Førebyggjande helsearbeid born/ungdom:
Helsestasjonsarbeid, herunder Helsestasjon for Ungdom
Skulehelseteneste
Kommunejordmorteneste
Folkehelsekoordinator  (kopling)

· Diagnose og behandling
Legeteneste og døgnkontinuerleg Legevaktteneste
Fysioterapiteneste gjennom drifsavtalar

· Habilitering og rehabilitering
Kommunefysioterapiteneste (held til på Volda omsorgssenter)
Ergoterapiteneste (held til på Volda omsorgssenter)

· Helseadministrasjon, sakshandsaming og samfunnsmedisinske oppgåver for kommunen

På vegne av kommunen administrerer Helseavdelinga f.t. driftsavtalar med Aarflot Fysikalske Institutt, Fysioterapisenteret og Trond's Fysikalske Institutt og samarbeidsavtalar med Næringsmiddeltilsynet, Legevaktsentralen ved AMK/Volda Sjukehus og medlemskapen i Norsk Nettverk av Helse og Miljøkommuner

Helseavdelinga sine hovudkontor er i underetasjen i Volda Rådhus og ved Volda Legesenter. Det er helsestasjonslokaler også i Austefjord og Dalsfjord

 
Kommunalteknisk avdeling (KTA)

Leiar for kommunalteknisk avdeling: Asbjørn J. Aasebø
Telefon: 70058750

KTA har anvar for planlegging, kjøp, bygging, oppstart og drift/vedlikehald av tiltak/ oppgåver i investerings- og driftsbudsjett for fylgjande innsatsområder/ tenester:

  • offentlege parkar og utandørsanlegg, herunder friområder/ friluftsområder.
  • kommunale bustad- og industriområder
  • tilskot til/ frå kommunen, td. private vegar, leikeplassar, trafikktryggingstiltak
  • kaier og hamner
  • kommunale vegar, herunder trafikksikringsarbeid
  • kommunalt veg- og gatelys
  • kommunal vassforsyning - distribusjon og produksjon av vatn
  • kommunal avlaupsreinsing/ avlaupsnett
  • tenesteproduksjon mot kyrkje - praktisk utføring av kyrkjegardsdrifta

KTA har ansvar for å gi administrative uttalar, legge fram saker til delegert-/ politisk handsaming innanfor innsatsområder/ tenester nemnnt ovanfor (forvaltningsmessige oppgåver).

 
Kultur- og næringsavdelinga (KUL)

Kultur- og næringssjef: Gunnar Andenes
Telefon: 70058855

VIKTIG INFORMASJON:

  • Kommunestyret har vedteke at det  skal opprettast ei kultur- og næringsavdeling frå 1.1.2006.
  • Næringssjefstillinga i stiftelsen Kontoret for næringslivet vart frå 1.1.06  overført til kommunen med tittel Rådgjevar i næringssaker.
  • Nyoppretta stilling som kultur- og idrettskonsulent vert lyst ut i 2007.
  • Volda filmteater, Volda folkebibliotek og TeleBygget ungdomshus (ungdomsklubben) skal vere ein del av den nye kultur- og næringsavdelinga.

 
Kultur- og næringsavdelinga held til i 1. etasje i rådhuset. 
Til avdelinga høyrer Volda folkebibliotek, Volda filmteater, Volda kommunale fritidsklubb med TeleBygget ungdomshus..
Kultur- og næringsavdelinga administrerer utleige av Voldahallen og den kulturelle delen i samfunnshuset. Avdelinga har eit utstrakt samarbeid med lag og organisasjonar, er rådgjevar i kultursaker, medverkar i kulturarrangement, hjelper til med søknadsskjema, spelemiddelsøknader, fordeler kulturmidlane, rullerer kulturplanar, skriv ut kulturkalender kvar månad, gir uttale i stadnamnsaker, namnset gater, gir konsesjonar for film og video m.m.. Kultur- og næringsavdelinga har nært samarbeid med musea, er sekretær for hallstyret, Volda musikkråd, idrettsrådet og busetnadssogeprosjektet. Vidare har ein nært samarbeid med studentane i ulike kulturprosjekt/arrangement. Volda kommune vart kåra til årets kulturkommune 1992.

 

 

 
Landbruksavdelinga (LAN)

Landbrukssjef Svein Snipsøyr
Telefon: 70 05 87 92

Landbruksavdelinga skal m.a. arbeide for iverksetjing av den til ei kvar tid statleg vedtekne landbrukspolitikken, styrd gjennom sentrale forskrifter og forordningar. Avdelinga skal vidare vere ressurssenter for kvar einskild næringsutøvar i landbruket, innan både tradisjonell landbruksdrift og tilleggsnæringar, med tanke på utvikling og optimalisering. Arbeidsområde er også utnytting av naturressursane i vid forstand og bygdeutvikling generelt.
Ein del viktige konkrete arbeidsfelt: Lovforvaltning vedk. jordlov, skoglov, konsesjonslov m.fl.; forvaltning av statlege overføringar innan landbruksnæringane; forvaltning av velferds- og inntektspolitiske tiltak; rådgjeving og forvaltning av BU-virkemiddel; arealforvaltning og planlegging; arbeid med tiltaksplanar i skogbruket, skogkultur og skogavgift; planlegging, rådgjeving og tilskotsforvaltning vedk. kulturlandskapet; landbruksforureining og dispensasjonssøknader; viltforvaltninga, med sekretariat for vilt- og innlandsfiskenemnda; lovpålagde kontroll- og statistikkoppgåver.

 

  
Løns- og personalstaben (L&P)

Personalsjef Wenche Solheim
Telefon: 70058722

Løns- og personalstaben
- har støttefunksjon i forhold til avdelingane sitt daglege personalarbeid.
- er kunnskapsbase i forhold til lovverk og avtaleverk som gjeld dei tilsette.
- arbeider med utvikling av personalpolitiske mål og strategiar.
- arbeider med kompetanse- og organisasjonsutvikling.
- driv personal- og lønnsplanlegging.
- har slutthandsaminga av lønnssaker og syter for at dei tilsette får lønn.
- er pensjonskontakt i forhold til pensjonskassene for alle tilsette og formidlar skjema m.m.
- har ansvar for refusjonsoppgjer med AETAT/ Trygdeetaten.
- har mynde til å fatte avgjerd i dei personalsakene som ikkje er delegerte til avdelingane.
- har ansvar for sakshandsaminga av tilsetjings-, lønns-, og personalsaker.
- har koordineringsansvar når det gjeld oppfølging av langtidssjukmNelde/attføringssaker.

 

  

Pedagogisk- psykologisk kontor (PPT) for Volda og Ørsta

Leiar for PPT: Eldar Krøvel
Telefon: 70058980

PPT er ei gjennomgåande rådgjevingsteneste for barn, unge og vaksne med særlege behov for pedagogisk- psykologiske tiltak i barnehage, grunnskule, vidaregåande skule og vaksenopplæring. Syns- og audiopedagogteneste for Søre og Indre Sunnmøre er også lagt til PP-kontoret i Volda.

Arbeidsoppgåvene til PPT er heimla i Opplæringslova kap. 5, og kan oppsummerast slik:

· samarbeid om opplæringstilbod for funksjonshemma
· tilpasningsvanskar i barnehage, heim og skule
· lærevanskar, (generelle og/eller spesifikke)
· språk- og talevanskar, lese- og skrivevanskar (dysleksi)
· sosiale- og emosjonelle vanskar, skulevegring, mobbing, rus-
  og misbrukproblematikk
· sosiale vanskar

Terskelen inn til kontoret er låg. I 30 % av sakene er det foreldra, eller klienten sjølv som tek kontakt. Elles er det barnehagar, skular og helsepersonell som i samråd med familien melder saker til kontoret.

Avdelingskontoret dekkjer Volda og Ørsta kommunar og er eit av 17 avdelingskontor for PPT Møre og Romsdal. Meir informasjon om PPT i Møre og Romsdal finn du her.

Adresse: Hamna 20, 6100 Volda

 

  

Pleie- og omsorgsavdelinga (PLO)

Pleie- og omsorgsleiar Solfrid Teigen
Telefon: 70054002

Pleie og omsorgsavdelinga yter tenester til innbyggjarar som pga sjukdom eller funksjonshemming treng hjelp til å fungere i dagleglivet. Tenestetilbodet omfattar praktisk hjelp i heimen inkludert middagsombringing, miljøarbeid, dagsenter for eldre, heimesjukepleie, psykiatrisk sjukepleie, dagsenter for psykisk sjuke, opphald på alders- og sjukeheimar, rehabiliteringsopphald, støttekontakt til eldre og funksjonshemma, omsorgsløn og ordning med personleg assistenet for funksjonshemma. Avdelinga administrerer også kommunale omsorgsbustader, tryggleikstelefonar og transportstøtteordning. Tenestene er behovsprøvde. Nokre tenester er gratis, andre må tenestemottakar betale eigenandel for. Heimetenestene har delt kommunen i 4 soner.
Dei som treng tenester må vende seg til den aktuelle avdelinga for informasjon og søknadskjema.

 
Samordnings- og utviklingsstaben (S&U)
(tidl. Nærings- og utviklingsstaben)

Ass. adm. sjef Arne Eliassen
Telefon: 70 05 87 04

Samordnings- og utviklingsstaben arbeider m.a.med følgjande oppgåver: kommuneplanlegging, reguleringsplanlegging,  busetjing og integrering av flyktningar, kjøp og sal av grunn, planlegging, drift og vedlikehald av kommunen sine IKT-tenester.

Servicekontoret (SVK)

Leiar for servicekontoret: Inger Johanne Johnsen
Telefon: 70058712

Servicekontoret er staden der kundekontakten for dei kommunale tenestene er samla. Vi har ansvaret for sentralbordtjenesten og for diverse anna informasjon til publikum. Du vil også kunne få rettleiing ved utfylling av søknadsskjema eller bli vist vidare til ein sakshandsamar i kommunen. Fire av dei totalt ni tilsette ved servicekontoret har oppgåver som er knytt til økonomifunksjonen: tilrettelegging av rekneskapsbilag, klargjering for fakturering, bustadfinansiering, innkrevjing/utbetaling av gebyr, refusjonskrav og tilskot etc. Servicekontoret har også ansvaret for den daglege leiinga av kommunen sine arkiv og for føring av posten til nesten alle avdelingane på rådhuset. Vi er også møtesekretariat for dei fleste politiske utvala i kommunen.

 
  • Servicekontoret (1.høgda i rådhuset)
  • Servicekontoret/ØRE (3.høgda i rådhuset)

 

 

Skuleavdelinga (SKA)

Skulesjef Karin Heggen
Telefon: 70058884

Skuleavdelinga held til i 3. høgda i den gamle delen av rådhuset, der ho har kontorfellesskap med barnehageavdelinga.

Avdeling skule har 4 tilsette:
Karin Heggen (skulesjef ), Per Ytrestøl (konsulent) og Helene Flølo Yksnøy (konsulent),
Øyvind Semb (konsulent IKT).

Avdelinga administrerer grunnskulane, skulefritidsordningane, vaksenopplæringa og Volda kulturskule.

Kommunen har 11 grunnskular med om lag 1250 elevar. Storleiken på skulane varierer frå 15 til 290 elevar. 7 av skulane er reine barneskular, 3 er kombinerte og 1 er rein ungdomsskule.

Kommunen har 7 skulefritidstilbod. Av desse er 2 private. I alt er det om lag 250 born i SFO-tiltaka.

Volda kulturskule har omlag 230 elevar.

 

Sosialavdelinga (SOS)
Sosialleiar:  Svein Egil Johannessen

Sosialavdelinga finn du i 2. høgda på rådhuset.
Vi har telefon: 70 05 88 00 og fax: 70 05 88 01

Sosialtenesta skal/kan etter lov om sosiale tenester m.v. yte tenester til menneske i ulike livsvanskar. Desse tenestene kan vere i form av opplysning, råd og rettleiing, økonomisk stønad, avlasting og/eller støttekontakt og tilbod ved rusvanskar.

Sosialtenesta er etter same lov også pålagde fleire generelle oppgåver. Den viktigaste generelle oppgåva er å førebyggje sosiale vanskar i kommunen.

 
Vaksenopplæringssenteret (VOS)

Leiar for vaksenopplæringa: Ivar Ulvestad
Telefon: 70078596

VOS starta opp i 1991 som opplæringssenter for vaksne med psykiske funksjonshemmingar.
Gjennom åra har senteret utvida drifta med tilbod til stendig nye elevkategoriar, slik at skulen no også gir tilbod til elevar med lese- og skrivevanskar, språkvanskar etter sjukdom, slag og trafikkulukker, psykiatriske lidingar og elevar som tidlegare har opplevd tilkortkoming i skulen. Siste åra har VOS også gitt grunnskuleopplæring for vaksne, etter eit nytt lovverk.

For tida har skulen 9 tilsette lærarar som dekkjer alle grunnskulefag, og som dessutan har spesialkompetanse når det gjeld språk/kommunikasjon, lese/skrivevanskar, logopedi, tilpassa musikkopplæring, spesial- og sosialpedagogikk, vaksenpedagogikk og undervisning av framandspråklege.

 

  
Økonomistaben (ØKS)

Økonomisjef Henrik Skovly
Telefon: 70058705

Økonomistaben, som held til i 3. høgda i rådhuset, er delt i 3 seksjonar:

  • Seksjon rekneskap
    Rekneskapssjef: Gunnar L Lillebø
    Telefon: 70058734

Seksjon rekneskap er ein del av økonomifunksjonen i Volda kommune. Staben har 3,5 stillingsheimlar fordelt på 3 heile og 1 halv stilling. I tillegg til kommunerekneskapen fører staben rekneskapane for Volda Kyrkjelege Fellesråd, Austefjord Sokneråd, Dalsfjord Sokneråd, Kilsfjord Sokneråd, Volda Sokneråd, Volda Frivillegsentral og Søre Sunnmøre Regionråd. Medarbeidarane deltek også i noko grad i det praktiske budsjetterings-arbeidet. Seksjonen har driftsansvaret for det lokalbaserte økonomisystemet Agresso som kommunen nyttar.
Opplæring av avdelingane i økonomispørsmål har etter kvart vorte ein del av arbeidsoppgåvene, i tillegg til at seksjonen fungerer som ein rådgjevar for avdelingane i økonomispørsmål. Hovudansvaret for KOSTRA-rapporteringa er lagt til staben (KOSTRA = KOmmune STat RApportering). Rekneskapsstaben er ein støttefunksjon, og hovudproduktet er tenleg økonomisk styringsinformasjon.

 
  • Seksjon økonomistøtte
    Leiar: Reidunn Vadstein
    Telefon: 70058740

    Seksjonen har m.a. desse arbeidsoppgåvene:
     
  • Skanning og mottaksregistrering av inngående fakturaer. Tilrettelegging og utsending av utgåande fakturaer.
  • Kommunale avgifter (oppdatering av avgiftsregisteret, fakturering, handsaming av søknader).
  • Tilrettelegging og kontering av reiserekningar
  • Registrering av fråver for skuleavdelinga, barnehageavdelinga og tidlegare teknisk sektor.
  • Sakshandsaming av søknader vedkomande diverse lån og tilskott som er finansiert av Husbanken. (startlån, tilskott til utbetring etc.).
     

 

  
  • Seksjon skatteinnfordring
    Skatteoppkrevjar: Ove Bjerkvik
    Telefon: 70058732

Skatteoppkrevjaren er leiar for seksjonen som har som si hovedoppgåve å krevje inn skatt, arbeidsgjevaravgift, eigedomsavgifter og andre kommunale krav som husleige i kommunale bustadar, barnehage, omsorgstjenester m.m. Seksjonen skal også føre kontroll med arbeidsgjevarane og gje dei informasjon om gjeldande regelverk.
Seksjonen fører skatterekneskapen, og fordeler innbetalt beløp på kommune, stat og fylke kvar månad.
Skatteoppkrevjaren er sakshandsamar for saker om ettergjeving av skatt som skal handsamast i skatteutvalet.